SPOT Film Festival 16-20 қыркүйек аралығында Алматыда өтеді. Фильмдер екі алаңда: көркем фильм бағдарламасы — KINOFORUM (Сейфуллин даңғылы, 617, FORUM СОО, 5-қабат) кинотеатрында, ал деректі кино — «Целинный» заманауи мәдениет орталығында (Масанчи көшесі, 59) көрсетіледі.
SPOT Film Festival — байқау емес: фестиваль open call өткізбейді, фильм қабылдамайды және жүлде табыстамайды. Бағдарламаны фестивальдің кураторлар тобы жасақтайды.
Иә, кейбір фильмдерді қайталап көрсетеміз. Толық кестені фестиваль сайтынан таба аласыз.
Барлық фильм түпнұсқа тілінде көрсетіледі, қазақ және орыс тіліндегі субтитр болады.
Деректі кино бағдарламасы аясында сарапшылардың қатысуымен Q&A-сессиялар өтеді. Бұл фильмдердің тақырыбы мен идеясын тереңірек талқылауға мүмкіндік береді. Арнайы іс-шаралар мен қатысушылар туралы толық ақпаратты фестивальдің сайтында және Instagram парақшасында жариялаймыз.
Иә, әр фильмге арналған жас шектеуі бар. Ол Freedom Афиша (Ticketon) мен фестиваль сайтында көрсетілген. Жас шектеуі бойынша ереже қатаң сақталады, сондықтан кіреберісте әр билет тексеріледі. 18+ және 21+ фильмдерге кәмелет жасына толмағандарды ертіп кіруге рұқсат берілмейді.
Деректі киноның билетін «Целинный» кассасынан алуға болады. Ал KINOFORUM-да билет сатып ала алмайсыз — көркем фильм бағдарламасының билеті Freedom Афиша (Ticketon) сайтында ғана онлайн сатылады.